Битта яхши ва битта ёмон янгилик бор

Тошкент. 27 июн. ЎзТАГ – Тўлқин Ташимов. Россиядаги ЖЧ-2018нинг ўн тўртинчи куни битта яхши ва битта ёмон янгилик чиқди: Франция ва Дания учинчи турнинг энг зерикарли ўйинини ўтказишди, Аргентина эса плей-оффга “суқулиб” киришга муваффақ бўлди.

Олдин ёмон янгилик ҳақида. Кеча превьюда ёзганимдай, “Франция ва Дания ўйинида қандайдир тренерлик режалаларини эътибордан соқит қилмаслик керак” эди.

6 очкога эга бўлган учранглилар ўз дарвозаларига эҳтиёт бўлган ҳолда ўйнашди, таваккал қилишмади, ҳатто Оливье Жиру – Антуан Гризманн жуфтлиги майдонга туширилган бўлсада! Бош тренер Дидье Дешам олдиндан салбий натижанинг олдини олишга интилди. Агар голдан кейин етиб олиш зарур бўлганда – майдонда Мбаппе ва бошқалар чиқиши керак эди.

Мбаппе ўйинчи ўрнига туширилди.

4 очкога эга бўлган ҳолда Дания термасининг бош тренери Оге Харейде жамоани нолли дурангни ушлаб туришга ўйнатди. Кимга қандайлигини билмайман, тўпни рақиб дарвозаси ёнида хавфли вазиятларсиз қуруқ юмалатиб юриш жуда қайғули томоша. Аммо бу йирик турнирларда тез-тез учраб туради.

Ўйин статистикаси ҳеч кимни алдаб қўймаслиги керак, унга кўра, французлар данияликлар дарвозасига 11 марта (3 – дарвоза ичига), данияликлар эса французлар дарвозасига 5 марта (2 – дарвоза ичига) зарба беришган.

Австралия ва Перу жамоалари ўртасидаги параллел ўйин янада “қувноқроқ” бўлди. Берт ван Марвейк шогирдлари 14 марта тўп йўллаб, дарвозани фақат 2 марта мўлжаллашди, Рикардо Гареcнинг футболчилари эса 4 (3) марта тўп йўллаб, ҳар бир таймда биттадан гол уришди. Агар Жанубий Америкаликлар бундай юқори маҳсулдорлик билан гуруҳдаги барча уч ўйинларни ўтказганларида, ҳозир биз уларни плей-оффга кузатаётган бўлар эдик.

Энди яхши хабарнинг вақти келди. Олдин ёзганим каби “кўпчилик Аргентинадан, хусусан, Мессидан мўъжиза кутмоқда, чунки уларсиз Россиядаги Жаҳон чемпионати ўз жозибасининг бир қисмини йўқотади”. Аргентина - Нигерия учрашуви жанубий америкаликлар ҳимоячиси Хавьер Маскерано кўмагида кўп жиҳатдан жуда драматик бўлди. Аммо бу ҳақида кейинроқ.

Ўйиннинг 14 дақиқасида Аргентина терма жамоаси тренери аввал ўйинга киритмаган Банега Нигерия жамоаси жаримасида очилаётган Мессига ажойиб тўп узатди.

Лионел тўпни чап оёғининг тиззаси билан қабул қилди, енгилгина қайта ишлаб, Фрэнсис Узохонинг дарвозаларига аниқ зарба берди. Энг кам ҳаракат билан максимал даражада самарадорликка эришди.

Ва ниҳоят, иккинчи бўлимнинг бошида Маскерано Нигериялик ҳужумчини ўз жарима майдончасида қўли билан ушлаб қолди. Қоида бузилиши қайд этилганидан сўнг, Хавьер бош ҳакамдан видеотакрорни қайта томоша қилишни талаб қилиб узоқ чопди.

Кўриб, Маскерано ноҳақлигига амин бўлишди. Мозес 11 метрдан адашмади. 1:1.

Дуранг Нигерияни Хорватия билан бирга плай-оффга чиқарар эди. Чунки заҳиралари таркибида ўйнаётган Хорватия параллел ўйинда 90-дақиқада иккинчи голни уриб, ўйинни ютди. Шу сабабли нигерияликлар уларни қониқтирувчи ҳисобни сақлашга ҳаракат қилиб, тўлиқ мудофаага ўтирдилар.

Тўғриси, Аргентина миллий терма жамоасининг Нигерия терма жавоб голи ортидан қилган ўйини ҳозиргача кўплаб саволлар туғдирмоқда. Наҳотки Месси ва Ко ўзларининг якуний ғалабасига шунчалик ишонишганки, жуда пассив ўйнадилар. Марказий ҳимоячи Маркос Рожонинг ишга киришиши ва унинг 86-дақиқада нигерияликлар дарвозасига қайтариб бўлмас зарбаси – наҳотки биларнинг бари олдиндан режалаштирилган бўлса?

Ишончим комил эмас.

Аргентина D гуруҳида иккинчи ўринни эгаллаган ҳолда C гуруҳи ғолиби Франция қаршисига чиқди, Хорватия эса Данияга тўғри келди.

Эслатиб ўтамизки, ЖЧ-2018 – ФИФАнинг футбол бўйича 21-жаҳон чемпионати бўлиб, унинг финал қисми Россияда 2018 йил 14 июндан 15 июлгача бўлиб ўтади. Россия ўз тарихида биринчи бор турнирга мезбонлик қилмоқда. Чемпионат Россиянинг 11 шаҳридаги 12 стадионларда ўтказилмоқда. Бундан ташқари, чемпионатда илк марта ҳакамларга видеоёрдам тизимидан фойдаланилмоқда.

Сурат манбаи: http://forum.kooora.com/f.aspx?t=35706142