ЎзТАГ
Ўзбек телеграф агентлиги

Тошкент, 5:23 | 15 мая

Денис Истомин Кремл кубогининг 1/8 финалида Марин Чилични енга олмади

Дата: 14:08, 23-10-2015.

Тошкент. 23 октябр. ЎзТАГ - Денис Истомин Кремл кубогининг 1/8 финалида хорват Марин Чилични енга олмади, деб хабар беради Ўзбек телеграф агентлиги (ЎзТАГ).

Бу ўзбек теннисчиси учун турнирдаги энг жиддий синов бўлди. АТР рейтингида 13-ўринни эгаллаган Чилич мусобақадаги энг кучли теннисчилардан бири. Ўз навбатида, Тошкентдаги челленжерда ғалабадан сўнг Истомин дунёнинг 53-ракеткаси бўлиб турибди.

Шу билан бирга, хорват Денисни осонлик билан енгди дейиш қийин. Биринчи сет болқонлик теннисчи фойдасига фақат тай-брейкда ҳал бўлди. Иккинчи сетда Истомин 6:3 ҳисобида ғалаба қилди. Фақат учинчи сетда Марин 6:3 ҳисобида ўз фойдасига ҳал қилди.

Эслатиб ўтамизки, турнирнинг илк учрашувида ўзбек теннисчиси британиялик Альянж Беденени (50-ракетка) 6:3, 6:3 ҳисобида осонлик билан енгган эди.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди