Депутатлар Қишлоқ хўжалиги ходимлари кунини белгилашни таклиф қилдилар

Тошкент. 24 август. ЎзТАГ – “Қишлоқ хўжалиги ходимлари кунини белгилаш тўғрисида”ги қонун Ўзбекистон Сенатига топширилди, деб хабар беради Ўзбек телеграф агентлиги (ЎзТАГ).

Парламент маълумотига кўра, қонун қабул қилиниши билан декабр ойининг иккинчи якшанбаси Ўзбекистонда Қишлоқ хўжалиги ходимлари куни сифатида нишонланади.

Парламент аъзолари фикрига кўра, Ўзбекистон қишлоқ хўжалиги улкан салоҳиятга эга. Ҳозирги пайтда тармоқда жами 3,6 млндан зиёд ишчи ва хизматчилар меҳнат қилишмоқда.

Қишлоқ хўжалигининг мамлакат ялпи ички маҳсулотидаги улуши 17,2%, йиллик ўсиш даражаси камида 6-7% ташкил қилади.

Пахта майдонларининг икки бараварга қисқартирилиши, бошоқли дон экинлари, сабзавотлар, полиз экинлари, картошка экиш, боғлар ва узумзорларнинг кенгайтирилиши  ҳисобига аҳолининг озиқ-овқат маҳсулотларига эҳтиёжини қондириш, ички бозорни бойитиш, озиқ-овқат хавфсизлигини таъминлаш барча учун шароитлар яратилди.

Ўзбекистон президентининг “Ўзбекистон Республикаси Қишлоқ ва сув хўжалиги вазирлиги фаолиятини тубдан такомиллаштириш чоралари тўғрисида”ги қарори қабул қилинди. Унга мувофиқ, тармоқда бутунлай янгича тизим шакллантирилмоқда.