Фарруҳ Дўстов Вроцлавдаги АТР Челленжер турниринг иккинчи доирасига чиқди
Дата: 16:16, 18-02-2015.
Тошкент. 18 феврал. ЎзТАГ – Ўзбекистоннинг иккинчи ракеткаси Фарруҳ Дўстов Вроцлавдаги соврин жамғармаси 85 минг евро бўлган АТР Челленжер турниринг иккинчи доирасига чиқди, дея хабар беради Ўзбек телеграф агентлиги (ЎзТАГ) республика Миллий олимпиа қўмитаси сайтидаги маълумотга асосланган ҳолда.
Турнирнинг биринчи доирасида ўзбек теннисчиси 2 соат 11 дақиқада уч сетда германиялик Филипп Петцшнерни 7:6, 6:7, 6:1 ҳисобларида енгди.
Энди жаҳоннинг 118-ракеткаси чоракфиналга чиқиш учун Ян Герних (Чехия) ва Тим Пюц (Германия) жуфтлигининг ғолиби билан кортга тушади.
Бундан ташқари, жуфтлик баҳсларининг биринчи доирасида Дўстов Чехиялик теннисчи Ян Мертл билан биргаликда Сергей Бетов ва Александр Бурийларга қарши тушади.
