Fitch Ratings “Универсалбанк” ўзбек банкининг рейтингини “ССС” даражасида қолдирди

Тошкент. 25 апрель. ЎзТАГ – Fitch Ratings рейтинг агентлиги “Универсалбанк” хусусий очиқ акционерлик банкининг рейтингини “ССС” даражасида қолдирди, дея хабар беради Ўзбек телеграф агентлиги (ЎзТАГ).
Агентлик УНБ миллий валютадаги эмитент дефолти узоқ муддатли рейтингини (ЭДР) “ССС” даражасида, миллий валютадаги қисқа муддатли ЭДРни “С” даражасида, барқарорлик рейтингини “ССС” даражасида, қўллаб-қувватлаш рейтингини “5” даражасида деб тасдиқлади. “Беш” кўрсаткичи банкнинг транспарент сиёсат юритаётганлиги ва замонавий корпоратив бошқарув принципларини жорий этаётганлигини тасдиқлайди.
Рейтингларни тасдиқлашда Fitch Ratings муқобил капитализация, балансли ликвидлик ҳамда банк молия натижаларининг яхшиланишини ҳисобга олган.
УНБ бизнеси кўламлари барқарор суръатларда ўсмоқда. Банк корпоратив кредитлаш сегментидаги мавқеини сезиларли даражада мустаҳкамламоқда. Банк баланси ликвидлиги позицияси ижобий даражада”, деб таъкидлайди агентлик.
Эслатиб ўтамиз, “Универсалбанк” ХОАТБ 2002 йилда 0,05 млрд сўм низом капитали билан ташкил этилган. 2014 йил 1 январга келиб банк активлари 69,6 млрд сўмга тенг эди.
2011 йилнинг июнида Fitch Ratings “Универсалбанкка” “ССС” даражасидаги кредит рейтинги тақдим қилди.