Иқтисодий ҳамкорлик бўйича ўзбек-япон қўмитасининг йиғилиши бўлиб ўтди
Тошкент. 13 апрел. ЎзТАГ – Куни-кеча Тошкентда Иқтисодий ҳамкорлик бўйича ўзбек-япон қўмитасининг йиғилиши бўлиб ўтди, деб хабар беради Ўзбек телеграф агентлиги (ЎзТАГ).
Унда иштирок этиш учун Ўзбекистонга “Мицубиши Корпорейшн” корпорацияси катта ижрочи вице-президенти, бошқаруви ҳайъати аъзоси Хидето Накахара бошлиқ Япония ишбилармон доиралари етиб келди.
Кун тартибига мувофиқ, томонлар Япония Бош вазири Ш.Абенинг 2015 йил 24-26 октябр ойида Ўзбекистонга қилган расмий ташрифи доирасида эришилган молиявий-техникавий ҳамкорликка доир келишувларни амалга оширилиши масалаларини муҳокама қилдилар.
Шунингдек, нефтегаз, қазиб олиш ва электротехника тармоқлари, кимё саноати, , автомобилсозлик, телекоммуникация соҳасида инвестицион ҳамкорлик истиқболлари, молия техник ҳамкорликни кенгайтириш, ўзаро савдо ҳажмларини ошириш масалаларини ҳам кўриб чиқилди.
2015 йилда мамлакатлар орасидаги савдо ҳажми $253,4 млнни ташкил қилди. Ўзбекистонда япон инвестициялари иштирокида 11 корхона фаолият юритмоқда. Улардан биттаси 100% япон капиталига очилган. Шунингдек, мамлакатда 12 япон фирма ва компаниялларининг ваколатхоналари мавжуд.
