Кинотеатрлар бир кунда камида иккита тўламетражли ўзбек фильмларини кўрсатиши шарт бўлади
Тошкент. 25 июл. ЎзТАГ – 2019 йил 1 январдан кинотеатрлар бир кунда камида иккита тўламетражли ўзбек фильмларини кўрсатиши шарт бўлади, деб хабар беради Ўзбек телеграф агентлиги (ЎзТАГ).
“2019 йил 1 январдан бошлаб, мулкчилик шаклидан қатъий назар, мамлакатдаги барча кинотеатрларда намойиш этиладиган маҳаллий бадиий фильмлар намойиши ҳажмларини – суткада иккитадан кам бўлмаган шу каби тўлиқ метражли фильмлар билан, 2021 йил 1 январдан эса ойлик экран вақтининг 25 фоизидан кам бўлмаган, байрам кунлари 40 фоиздан кам бўлмаган миқдорда квоталаш тизими жорий этилади”, - дейилади Ўзбекистон Республикаси Президентининг “Миллий киноиндустрияни ривожлантириш бўйича қўшимча чора-тадбирлар тўғрисида”ги қарори матнида.
Шу билан бирга, “Ўзбекфильм” АЖ давлат унитар корхонаси қилиб қайта ташкил этилмоқда, “Ҳужжатли фильмлар киностудияси” ДУК “Ҳужжатли ва хроникал фильмлар киностудияси” ДУК қайта номланмоқда, “Ўзбеккино” МАнинг ҳудудий бўлинмалари негизида “Республика кинопрокат маркази” давлат унитар корхонасининг филиалларини ташкил этилмоқда, “Ўзбекистон киноарбоблари ижодий уюшмаси” ДУ нодавлат нотижорат ташкилоти сифатида қайта ташкил этилиши белгиланмоқда.
Сурат манбаи: https://aikyn.kz/2018/04/23/50442.html?sait=ar
