Лола Каримова-Тиллаева Улуғбек ҳақидаги янги фильмга продюсерлик қилди
Тошкент. 15 март. ЎзТАГ – Ўзбекистоннинг биринчи президенти қизи Лола Каримова-Тиллаева буюк олим ва сиёсий арбоби Улуғбек ҳақидаги янги хужжатли фильмнинг ғояси муаллифи ва продюсери бўлди, деб хабар беради Ўзбек телеграф агентлиги (ЎзТАГ).
“Мазкур фильм турмуш ўртоғим Тимур ҳамда каминанинг кинопродюсер сифатидаги илк лойиҳамиздир. Ҳужжатли фильм буюк мутафаккир ҳамда аллома Мирзо Улуғбекнинг ҳаёти ва фаолияти ҳақида ҳикоя қилади. Бу улуғ инсон ҳақида фильм яратиш ғояси менда кўп йиллар аввал пайдо бўлган. Тадбир жоиз бўлса, Мирзо Улуғбек шахси мени болалагимдан ўзига мафтун этган”, - деб ёзади Лола Каримова-Тиллаева Facebookдаги расмий саҳифасида.
Кинокартинада Винсент Кассель, Арманд Ассанте, Франциско Овалле каби жаҳон киноси юлдузлари, шунингдек, Маъруф Отажонов, Жавоҳир Зокиров, Ҳошим Арслонов сингари миллий кино усталаримиз ҳам ўз ролини маромига етказиб ижро этдилар.
“Ҳолливуднинг “Титаник”, “Оловуддин”, “Геркулес” каби фильмларга мусиқа басталаган машҳур композитори Уолтер Афанасьев картинамиз учун махсус мусиқа ёзди.
Беназир хонанда Севара Назархон ижросидаги саундтрек эса фильмга ўзгача жозиба бахш этди”, - деб таъкидлайди Лола Каримова-Тиллаева.
Муаллифлар суратга олиш жараёнига ўзбекистонлик ва қозоғистонлик каскадёрларни жалб қилдик, ўша даврга мос тарихий либосларни танлаш ва тайёрлашга ҳам алоҳида эътибор қаратишга уриндилар.
