“LUKOIL Overseas Supply and Trading Ltd” олтингугуртнинг биржа бозорига чиқди
Тошкент. 6 август. ЎзТАГ – Ўзбек техник олтингугурт биржа бозорининг янги иштирокчиси – “LUKOIL OverseasSupply and Trading Ltd” фақат июлнинг ўзида умумий қиймати 201 млн сўмлик 3,7 минг тонна олтингугурт сотди, деб хабар беради Ўзбек телеграф агентлиги (ЎзТАГ).
Ўзбек республика товар хом-ашё биржаси матбуот хизмати маълумотларига кўра, “LUKOIL Overseas Supply and Trading Ltd”нинг олтингугурт сотувчилари орасидаги улуши сотувлар ҳажми бўйича 14% ошган.
Жорий йилнинг январ-июлида электрон биржа савдолари орқали 27 минг тонна олтингугурт сотилди ва бу ўтган йилги кўрсаткичдан 3 бараварга кўп.
Ишлаб чиқарувчилар уч турдаги олтингугурт таклиф этаётганларига қарамасдан, газли олтингугурт сотувлар ҳажмининг мутлақ кўпчилигини (умумий ҳажмнинг 99%) ташкил этмоқда. Гранулаланган ва янчилган олтингугурт сотувлари ҳажми 191 тоннага тенг бўлди.
Шунингдек, матбуот хизмати газли олтингугуртга талаб 18,2% тушгани ҳақида ҳам маълум қилди. Хусусан, агар йил бошида унинг нархи тоннасига 66 минг сўмни ташкил қилган бўлса, июлга келиб нарх 54 минг сўмгача тушган. Экспертларнинг фикрига кўра, нархнинг пасайиши таклифнинг кўпайгани билан боғлиқ. Кейинги тўрт ойда сотувга қўйилган олтингугурт ҳажмлари ўртача ойига 4,4 минг тоннани ташкил этган, биринчи чоракда эса ушбу кўрсаткич 2,9 минг тоннага тенг эди.
$1 = 2580,19 сўм
