“Лукойл” Ўзбекистонда газ қазиб олиш бўйича режаларини аниқлаштирди

Тошкент. 5 август. ЎзТАГ – 2019 йилдан кейин россиянинг “Лукойл” нефтегаз компанияси Ўзбекистонда газ қазиб олишни йилига 4 бараварга кўпайтириб, йилига 17 млрд кубга етказиши мумкин, деб хабар беради Ўзбек телеграф агентлиги (ЎзТАГ).

Бугун компания ушбу мамлакатда йилига 4 млрд кубометр атрофида газ қазиб олади.

Бундан ташқари, компаниянинг ижрочи вице-президенти Равиль Магановнинг “Нефтяныев едомости”га берган интервьюсида айтишича, 2017 йилда Ўзбекистонда йиғилган инвестициялар ҳажмини $8 млрдга етказиш ҳам режалаштирилган.

Эслатиб ўтамизки, “ЛУКОЙЛ” Ўзбекистонда Қандим лойиҳасини “Ўзбекнефтегаз” компанияси билан бирга 2004 йилдан бери амалга оширмоқда. Қандим гуруҳига Қандим, Қувачи-Олот, Оққум, Парсанкўл, Ҳожи ва Ғарбий Ҳожи конлари киради. Яқинда россия компанияси Шимолий Шоди ва Қувачи-Олот конларида газни олдиндан тайёрлаш бўйича икки қурилмани синов тариқасида ишлатишни бошлади.

Олдинроқ, май охирида хабар қилганимиз каби, 2018 йилда “Лукойл” Ўзбекистонда йилига 16 млрд кубометр газ қазиб олишни режалаштирган эди.