Мирзиёев кишиларнинг “яхши яшаш” учун интилишини ижобий баҳолади

Тошкент. 21 май. ЎзТАГ – Ўзбекистон президенти Шавкат Мирзиёев кишиларнинг “яхши яшаш” учун интилишини ижобий баҳолади, деб хабар беради Ўзбек телеграф агентлиги (ЎзТАГ).

У ушбу баёнотни ўзининг Андижон вилоятига ташрифи доирасида қилди.

“Андижонга ўтган йил июнь ойидаги ташриф якунига кўра ишлаб чиқилган 2017-2018 йилларга мўлжалланган дастурга мувофиқ, вилоятда 2017 йилда умумий қиймати 1,5 триллион сўм бўлган 3 мингдан зиёд лойиҳа амалга оширилган”, - дейилади Ўзбекистон президенти матбуот хизматининг хабарида.

Бунинг натижасида саноат маҳсулотларини ишлаб чиқариш ҳажми 26%га, жорий йилнинг биринчи чорагида 34%га ўсган.

“Муҳими рақамлар эмас, балки фуқароларимизда эртанги кунга бўлган ишончнинг мустаҳкамланаётгани, уларда яхши яшаш учун интилиш ва изланишнинг кучайиб бораётганидир”, - деди Мирзиёев.

Эслатиб ўтамизки, 19 май куни Ўзбекистон президенти Шавкат Мирзиёев ижтимоий-иқтисодий ислоҳотларнинг бориши билан танишиш мақсадида Андижон вилоятига ташриф буюрди. Ташриф давомида тўқимачилик, пиллачилик, фармацевтика, агросаноат корхоналари фаолияти билан танишиш, истиқболли лойиҳаларни муҳокама қилиш, вилоят фаоллари ва мутасаддилар иштирокида йиғилиш ўтказиш режалаштирилган эди.

Сурат манбаи: https://regnum.ru/news/2290408.html