Навоий шаҳри ички ишлар органлари таянч пунктларининг инспекторлари машина ва квартиралар олдилар
Навоий. 25 октябр. ЎзТАГ – Навоий шаҳрида ички ишлар органлари таянч пунктларининг профилактика инспекторлари тантанали қасамёд қилдилар, деб хабар беради Ўзбек телеграф агентлиги (ЎзТАГ).
Тадбирда 80 та профилактика инспекторларига имтиёзли кредитлар асосида сотиб олинган хизмат квартиралари ва янги автомобилларга калитлари тантанали равишда топширилди.
Ички ишлар вазирлигининг маълумотларига кўра Навоий вилоятида жами 209 та профилактика инспекторлари ишлайди.
Эслатиб ўтамизки, профилактика инспекторлари хизмат квартиралари ва янги автомобилларни Ўзбекистон Республикаси Президентининг 2017 йил 20 апрелдаги “Ички ишлар органлари таянч пунктлари профилактика инспекторларини таъминлаш бўйича қўшимча чора-тадбирлар тўғрисида”ги фармонига мувофиқ олдилар.
