Пахта толаси ЎзРТХБ экспортининг ярмини эгаллади

Тошкент. 17 октябр. ЎзТАГ – Жорий йилнинг 8 октябрдан 12 октябргача бўлган давр мобайнида Ўзбек республика товар хом-ашё биржаси (“ЎзРТХБ”) АЖда 638,6 млрд сўмлик битимлар тузилди, бу эса ўтган ҳафтадаги натижадан 27,5%га (421,8 млрд сўм) кўпдир. Шу билан бирга, пахта толаси биржа экспортининг ярмини эгаллади, деб хабар беради Ўзбек телеграф агентлиги (ЎзТАГ).

Валюта савдо майдончаси орқали $4,1 млндан ортиқ қийматга тенг товарлар сотилди. Келишувларнинг асосий қисми – 51%ни пахта толаси ташкил қилди. Кейинги ўринни 31% улуш билан катодли мис эгаллади. Рўйхатнинг кейинги қаторини 9% улуш билан гач II банд этган.

Сотувлар бўйича қурилиш материаллари биринчи ўринни 27,7% билан эгаллаб турибди. Иккинчи ўринда пахта толаси жойлашган бўлиб, биржа бозорининг 23,6%ни эгаллади. Кейинги ўринлардан 13,9% улуш билан нефть маҳсулотлари, 8,1% улуш билан газ ва полиэтилен жойлашди.

Сурат манбаи: phoenix-seeds.com.ua