Россиялик сенатор Клинцевич Ўзбекистондан вақтинчалик меҳнат миграцияси тафсилотлари ҳақида гапириб берди

Тошкент. 29 ноябр. ЎзТАГ – Россиялик сенатор, федерал кенгаш раисининг мудофаа ва хавфсизлик бўйича биринчи ўринбосари Франц Клинцевич Ўзбекистондан вақтинчалик меҳнат миграцияси тафсилотлари ҳақида гапириб берди, деб хабар беради Ўзбек телеграф агентлиги (ЎзТАГ) россия ОАВга асосланган ҳолда.

ТАССнинг маълум қилишича, унинг сўзларига кўра, чоршанба куни Россия Федерация кенгаши ўз йиғилишида Ўзбекистон фуқароларини Россиядаги вақтинчалик ишларга ташкиллашган ҳолда саралаш ва жалб қилиш бўйича келишувни ратификация қилишни кўриб чиқиши мумкин.

У журналистларга ушбу қонунни шарҳлар экан, бу келишув “намуна келишуви бўлиб, ва ундан кейин Россия бошқа Совет республикалари билан ҳам шунга ўхшаш шартномалар имзоланишини” таъкидлади. “Бу дегани, агар уйингизда бу нарса муаммо бўлса, келинг, ишланг, лекин фақат қонуний асосларда, дегани. Айни пайтда ҳеч қандай хайрия ҳақида гап бўлиши мумкин эмас: Россия фақат эҳтиёж бўлган ишчиларни қабул қилишга тайёр”, деди сенатор.

Унинг сўзларига кўра, ўзбек томони Россияга келганларнинг меҳнат уқувлари рус томонининг талабига тўлиқ мос келишини кафолатлайди. Бундан ташқари, икки мамлакат ўртасида виза тартиби мавжуд эмаслигидан келиб чиқиб, Россияга ноқонуний миграцияга чегаралашга уринилмоқда”. “Бу айниқса, Суриядан Ўрта Осиёга ва у ердан Россияга ИД жангарилари ўтишининг мумкинлигини ҳисобга олган ҳолда жуда муҳим. Ўз навбатида, Россия ушбу шартномага мувофиқ мамлакатимизга кираётган Ўзбекистон фуқароларининг ижтимоий ҳимоясини ўз зиммасига олади”, - деди Клинцевич.