Тебинбулоқ кони негизида маҳаллий саноат лойиҳаси амалга оширилади

Тошкент. 21 август. ЎзТАГ – Қорақалпоғистон Республикаси Қораўзак туманидаги Тебинбулоқ кони негизида маҳаллий саноат лойиҳасини амалга оширилади, деб хабар беради Ўзбек телеграф агентлиги (ЎзТАГ).

"Ўзбекистон президенти Шавкат Мирзиёев Тебинбулоқ кони негизида кон-металлургия мажмуасини қуриш лойиҳаси билан танишди", - дейилади президент матбуот хизмати хабарида.

Таъкидланганидек, конининг хомашё захиралари 1,1 миллиард тонна миқдорида баҳоланмоқда. Дастлабки ҳисоб-китобларга кўра, бу ерда йилига 33 миллион тонна руда қазиб олиш ва ва ундан 1,5 миллион тонна темир олиш режалаштирилган.

Мазкур инвестиция лойиҳасини амалга ошириш чора-тадбирлари давлат раҳбарининг 2018 йил 12 январдаги қарори билан белгиланди.

"Кон-металлургия мажмуаси йилига 900 минг тонна арматура, 225 минг тонна сим, 375 минг тонна уголок, швеллар ва бошқа материаллар ишлаб чиқариш қувватига эга бўлади. Лойиҳани амалга ошириш импортнинг сезиларли ҳажмини ва саноатни барқарор ривожлантиришни ўзгартиришга ёрдам беради. Мажмуа 2 мингдан ортиқ кишини иш билан таъминлайди. Маҳсулотларнинг 35 фоизини экспорт қилиш ҳам режалаштирилган.

Таъкидлаш жоизки, лойиҳани тайёрлаш ва амалга ошириш учун «DMT-Group Consulting» (Германия) ва «Horst Wiesinger Consulting» (Австрия). компаниялари жалб қилинган.

Ш.Мирзиёев ушбу компаниялар мутахассислари билан суҳбатлашди, комплекс қуришда илм-фаннинг илғор ютуқларидан фойдаланиш, темир маҳсулотлари ишлаб чиқариш соҳасида илмий ва амалий мактаб ташкил этиш зарурлигини таъкидлади.

Шунингдек, президент лойиҳанинг чуқур ўйланган техник-иқтисодий асосини ишлаб чиқиш, асосан, ёшларни уни амалга оширишга жалб этиш бўйича кўрсатмалар берди.

Бундан ташқари, давлатимиз раҳбари "Мўйноқ аква саноат" корхонаси фаолияти билан танишди, шунингдек, Қорақалпоғистон Республикаси фаоллари билан мулоқот қилди.

Сурат манбаи: president.uz