Тошкентда эрта болаликни ривожлантириш маркази қурилади
Тошкент. 9 декабрь. ЎзТАГ – Тошкентда эрта болаликни ривожлантириш маркази барпо этилади, деб хабар беради Ўзбекистон телеграф агентлиги (ЎзТАГ).
"27 ноябрдан 5 декабрга қадар Ўзбекистон Мактабгача таълим вазирлиги (МТВ) ва Корея халқаро ҳамкорлик агентлиги (КХҲА) вакилларининг бир қатор учрашувлари бўлиб ўтди. Мактабгача таълим вазири Агриппина Шин ва Ўзбекистондаги KOICA ваколатхонаси директори Сунг Ил Сон кадрларни қайта тайёрлаш ва ўқитиш марказини очиш ва 420 ўринга давлат МТМ қуриш бўйича дастлабки келишувга эришди", - дейилади МТВ матбуот хизмати.
Бундан ташқари, Сеулда эрта болаликни ривожлантириш маркази тажрибаси асосида беш ривожланиш доираси, шу жумладан, болалар ва ота-оналар учун саломатлик, социал ақл ва ҳис-туйғулар, алоқа, билим ва архитектура:синов ва тадқиқот маркази ташкил этилади.
Лойиҳа доирасида мактабгача таълим муассасалари ўқитувчилари ва методистлари билан ишлаш, болалар билан машғулотлар ўтказиш ва ота-оналар билан ўзаро ҳамкорлик қилиш, қўлланмалар ва ўқув материалларини ишлаб чиқиш амалга оширилади.
2021-2026 йилларда амалга ошириладиган дастлабки лойиҳа $11 млнга баҳоланмоқда.
Сурат манбаи: mdo.uz
