Тошкентда ўзбек-грузин муносабатлари ривожи муҳокама қилинди

Тошкент. 4 феврал. ЎзТАГ – Куни-кеча Ўзбекистон Республикаси Ташқи ишлар вазирлигида Грузиянинг Фавқулодда ва Мухтор Элчиси Константин Жгенти билан учрашув бўлиб ўтди, деб хабар беради Ўзбек телеграф агентлиги (ЎзТАГ).

ТИВ хабар беришларича, суҳбат давомида ўзаро муносабатларининг ҳозирги ҳолати, ҳамкорликни янада ривожлантириш, жумладан турли даражалардаги Ўзбекистон-Грузия учрашувларини фаоллаштириш орқали алоқаларни мустаҳкамлаш бўйича икки томон таклифлари муҳокама қилинди.

Маълумот ўрнида, 2015 йил якунлари бўйича грузин-ўзбек товар айланмаси $180 млнни ташкил этиши мумкин. Бу ҳақида элчи декабрда маълум қилган эди.

Дипвакиллик раҳбарининг сўзларига кўра, икки йил олдин ушбу кўрсаткич $36 млндан ошмас эди, 2014 йилда эса у $120 млнга етган. Жорий йилда яна $60 млнга ўсиб, $180 млн етиши мумкин.

К.Жгентининг сўзларига кўра, иккитомонлама савдо номенклатураси анча кенгайган. Хусусан, Ўзбекистон бозорида грузин минерал сувлари, виноси пайдо бўлган.