Тошкентдаги Россия элчихонаси 33 мингдан ошиқ георгий ленталарини тарқатди

Тошкент. 12 май. ЎзТАГ – 21 апрелдан 8 майга қадар Ўзбекистондаги Россия элчихонаси “Георгий ленталари” акциясини ўтказди, дея хабар беради Ўзбек телеграф агентлиги (ЎзТАГ).
Ушбу акция анъанавий равишда одамларда катта қизиқиш уйғотиб келади. Аммо бу йили Тошкентда георгий лентасини олишни истаганлар ҳаддан ташқари кўп бўлиб, 33 мингдан ошди. Бу ҳол георгий лентаси жасурлик ва шон-шараф ҳамда фашизм устидан ғалаба рамзи сифатида кўрилишини англатади”, - деб қайд этишди Россиянинг Ўзбекистондаги элчихонасида.
Элчихонага георгий ленталарини олиш учун турли миллат ва авлод вакиллари, таълим муассасалари ва ижодий бирлашмалар ҳамда давлат муассаслари вакиллари мурожаат қилганлар. Кўпчилик 1941-1945 йиллардаги урушда иштирок этган қариндошларининг суратларини олиб келган ҳамда улар ҳақидаги хотиралари билан ўртоқлашган.