Тошкентнинг “Бунёдкор”и Осиё чемпионлар лигасида янги рекорд ўрнатди

Тошкент. 25 апрель. ЎзТАГ – Пойтахтнинг “Бунёдкор” клуби ушбу чоршанба куни Осиё чемпионлар лигасининг янги рекордини ўрнатди, дея хабар беради Ўзбек телеграф агентлиги (ЎзТАГ).
Жамоа Қатарнинг “Ал-Жаиш” жамоасини енгиб, еттинчи марта турнир плей-офф босқичига чиқди. Илк марта “Бунёдкор” 2012 йилги турнирда рекорд эгасига айланган эди. Ўшанда кетма-кет беш марта плей-офф йўлланмасига эга чиққан “қалдирғочлар” ОЧЛ тарихида янги саҳифа очишган. 2013 йил ушбу кўрсаткич олтитага етказилди. Ва мана бу йил “Бунёдкор” ўзи ўрнатган рекордни яна ҳам янгилаб қўйди”, деб таъкидлашди тошкент клуби матбуот хизматида.
Эслатиб ўтамиз, Миржалол Қосимов эса Осиё чемпионлар лигаси тарихида беш маротаба гуруҳ босқичини муваффақиятли босиб ўтган ягона мураббий ҳисобланади.