Тошкентнинг янги аэропорти қурилиши “Тошкент-Шарқий” аэродромига кўчирилди
Тошкент. 3 июл. ЎзТАГ – Тошкентнинг янги аэропорт комплекси қурилиши “Тошкент-Шарқий” аэродроми базасида амалга оширилади, деб хабар беради Ўзбек телеграф агентлиги (ЎзТАГ).
Ўзбекистон президенти Шавкат Мирзиёев томонидан 2017 йил 30 июнда “Тошкент-Шарқий” аэродроми базасида фуқаролик (ишчи) авиацияси замонавий аэропорт мажмуасини қуриш” тўғрисидаги қарори имзоланди.
Миллий авиакомпания маълумотига кўра, хужжатга мувофиқ, “аҳолиси томонидан терминал қурилиши аҳоли турар жойлари ва бошқа бинолар бузилишини, Қорасув канали ёқасидаги ҳудуддан аҳолини кўчиришни талаб этиши норозиликларга сабаб бўлгани туфайли “Тошкент-Шарқий” аэродроми базасида фуқаролик (ишчи) авиацияси замонавий аэропорт мажмуасини қуриш” лойиҳасини амалга ошириш вақтинчалик тўхтатилади”.
Мажмуа қурилиши хорижий молия институтларининг маблағлари, шунингдек, “Ўзбекистон ҳаво йўллари” миллий авиакомпаниясининг ўз маблағлари (лойиҳа-тадқиқот ишлари кесимида) ҳисобидан амалга оширилади.
“ЎзшаҳарсозликЛИТИ” ДУК бош лойиҳа ташкилоти этиб белгиланди. ЎзР. Автомобил йўллари давлат қўмитасининг “Трест 12” ОАЖ бош пудратчи қилиб танланди.
“Ўзбекистон ҳаво йўллари”га уч ой муддатда “ЎзшаҳарсозликЛИТИ” билан ҳамкорликда лойиҳанинг техник-иқтисодий асосини ишлаб чиқиш ва ваколатли органлари билан келишиш ҳамда уни тасдиқлаш учун Вазирлар Маҳкамасига киритиши зарурлиги ҳақида кўрсатма берилди.
Хужжатга мувофиқ, 2018 йил 1 февралига қадар қурилиш-монтаж ишларини лойиҳа-смета ҳужжатлари тайёрлаш билан бирга олиб боришга рухсат берилди.
Лойиҳани амалга ошириш учун Ўзбекистон бош вазири Абдулла Арипов иштирокида ишчи гуруҳи тузилди.
