Ўзбек “ASIA ALLIANCE BANK” банки долларларни еврога конвертация қилишда комиссия олмасликка ваъда берди
Тошкент. 23 октябр. ЎзТАГ - Ўзбек “ASIA ALLIANCE BANK” банки долларларни еврога конвертация қилишда комиссия олмасликка ваъда берди, деб хабар беради Ўзбек телеграф агентлиги (ЎзТАГ).
“Банк тарифларига киритилган ўзгартиришларга мувофиқ АҚШ долларини еврога нақд шаклда ечиш шарти билан конвертация қилиш банкнинг барча бўлинмаларида хизмат ҳақини ундирмаган ҳолда амалга оширилмоқда”, - дейилади банкнинг расмий сайтидаги хабарда.
Бундан олдинроқ банк тарифларининг ўзгаргани ҳақида “...2015 йилнинг 3 ноябридан ” АSIA ALLIANCE BANK” АТБ ички тизимида юридик шахслар томонидан амалга ошириладиган хорижий валютадаги пул ўтказмалар бўйича воситачилик ҳақи жорий қилиниб, унинг миқдори қуйидагича белгиланади: 0.1% ўтказма миқдоридан + 5$. Воситачилик ҳақининг энг юқори миқдори 25$. Воситачилик ҳақи пул ўтказмалари амалга оширилган кундаги Ўзбекистон Республикаси Марказий банки томонидан ўрнатилган хорижий валюталарнинг миллий валютага нисбатан курси хисобида миллий валютада олинади”, деб маълум қилган эди.
