Ўзбек бренди ўз коллекциясини Москвадаги Мода ҳафталигида тақдим этади
Тошкент. 23 октябр. ЎзТАГ - Zulfiya Sulton ўзбек дизайнерлик бренди ўз коллекциясини Москвадаги Европадаги энг йирик Mercedes Benz Fashion Week Russia Мода ҳафталигида тақдим этади, деб хабар беради Ўзбек телеграф агентлиги (ЎзТАГ) маҳаллий ОАВ асосланган ҳолда.
2016 йилги мавсумга оид Zulfiya Sulton коллекцияси дизайнер томонидан қатор тимсоллар чамбарагидан ажратиб олинган ўзига хос назокат манифестидир, дейиш мумкин.
Эслатиб ўтамизки, Mercedes-Benz Fashion Week Russia мода ҳафталигининг 31- мавсуми 21–25 октябр кунлари Москва шаҳридаги “Манеж” марказий кўргазма залида бўлиб ўтмоқда. Унда Россия, АҚШ, Туркия, Украина ва бошқа мамлакатлардан келган 70 нафардан зиёд дизайнер 2016 йил баҳор-ёз мавсумига бағишланган коллекцияларини намойиш этади.
Zulfiya Sulton – haute couture сегментидаги етакчи ўзбек брендларидан бири бўлиб, унга 2007 йилда дизайнер Зулфия Султон томонидан асос солинган. Дизайнерга биринчи муваффақиятни қиммат фактурали матолардан тикилган мураккаб коллекцияси келтирган.
