Ўзбек экипажи “Ипак йўли” раллисининг босқичларидан бирида иштирок этади
Тошкент. 12 июл. ЎзТАГ – International Monitoring Group ўзбек жамоаси Москвада бошланган “Ипак йўли” раллисининг босқичларидан бирида иштирок этади, деб хабар беради Ўзбек телеграф агентлиги (ЎзТАГ).
Профессионаллар мусобақалари билан биргаликда россиянинг Omnicomm компанияси ҳаваскорлар учун ҳам пойга ташкил қилди. Ушбу ралли профессионалларникига қараганда ярим баравар қисқа бўлади. У Москвада бошланди ва Алматида якунига етади.
“Ҳаваскорлар раллиси олти босқичдан иборат бўлади. Биз ана шу охирги босқичда қатнашамиз. Бу Балхаш кўли ва Алмата орасидаги участка бўлиб, унинг узунлиги 640 км”, - деб таъкидлашди ўзбек жамоаси вакиллари.
Ўзбекистон жамоаси раллида Toyota Hillux автомобилида иштирок этади. Унда нафақат энг яхши профессионал пойгачилар билан яқинда пойга қилиш, балки пойгачилар билан чодирда ҳамсуҳбат бўлиш имконияти ҳам туғилади.
