Ўзбек паспорти мавқеъ даражаси бўйича дунёда 64-ўринни олди
Тошкент. 14 май. ЎзТАГ – Arton Capital халқаро молия консалтинг компанияси томонидан тузилган рейтингга мувофиқ, ўзбек паспорти мавқеъ даражаси бўйича дунёда 64-ўринни олди, деб хабар беради Ўзбек телеграф агентлиги (ЎзТАГ).
Рейтинг жаҳоннинг 198 мамлакатлари паспортларини қамраб олган.
Рўйхат у ёки бу мамлакат паспорти эгасининг визасиз бориши мумкин бўлган давлатлари сони асосида тузилган. Хусусан, Ўзбекистон фуқаролари жунёнинг 53 мамлакатига виза олмасдан боришлари мумкин.
Ўзбекистон 64-ўринни Тожикистон билан бирга бўлишиб эгаллаб турибди. Қирғизистон ушбу рейтингда бир поғона юқорида (63-ўрин, визасиз 54 мамлакат).
Ҳудуднинг бошқа мамлакатларига келсак, улар орасида Қозоғистон етакчилик қилмоқда (53-ўрин, визасиз 65 мамлакатга бориш мумкин). Энг қуйи кўрсаткич Туркманистонга тегишли (70-ўрин, визасиз 47 мамлакат).