Ўзбекистон раҳбарининг Қозоғистонга давлат ташрифи доирасида қатор қўшма хужжатлар имзоланади

Тошкент. 23 март. ЎзТАГ – Ўзбекистон раҳбари Шавкат Мирзиёевнинг Қозоғистонга давлат ташрифи доирасида қатор қўшма хужжатлар имзоланади, деб хабар қилди матбуотга ҚР ташқи ишлар вазири Кайрат Абдраҳмонов.

“Қозоғистон ва Ўзбекистон ўртасидаги стратегик ҳамкорликни янада мустаҳкамлаш ҳақида қўшма декларация (имзоланади). У давлат раҳбарлари томонидан имзоланади. Бизда бундан олдин тузилган икки ҳам шартнома бор”, - деди К.Абдраҳмонов журналистларга пайшанба куни.

Бундан ташқари, минтақалараро ҳамкорлик тўғрисида келишув, 2017-2019 йилларга мўлжалланган ҳукуматлараро иқтисодий стратегияни, иккитомонлама солиққа тортишга йўл қўймаслик ҳақида келишувга ўзгартиш ва қўшимчалар киритиш тўғрисидаги баённома, 2006 йилги халқаро автомобиль алоқасига доир келишув ўзгартиш ва қўшимчалар киритиш тўғрисидаги баённомани имзолаш режалаштирилмоқда.

Мудофаа вазирлари ҳамкорлик ва ҳарбий техник ҳамкорликка доир келишувни имзолашни режалаштирмоқдалар. ТИВ ҳамкорлик дастурини имзолайдилар.

“Икки мамлакат орасида ташқи сиёсий муассасалари доимо диққат марказида тутувчи қатор масалаларнинг катта рўйхати мавжуд”, - деди журналистларга ҚР ТИВ раҳбари.

 Ўтиш пунктларига доир 2006 йилги келишувга ўзгартиш ва қўшимчалар киритиш тўғрисидаги хужжат ҳам рўйхатдан жой олган.

“Ҳозирда икки мамлакат фуқароларининг чегарадан ўтишини осонлаштириш учун ўзгартиришлар киритилмоқда”, - деди Кайрат Абдраҳмонов.

Шунингдек, икки мамлакат парламенти сенатлари ўртасидаги ҳамкорлик меморандуми, Қозоғистон Халқлари ассамблеяси ва Ўзбекистон Байналминал маркази ўртасида меморандум, ҚР ташқи савдо палатаси ва Ўзбекистон Савдо саноат палатаси ўртасидаги ва Ишбилармонлик кенгаши ташкил қилишга доир келишувларни имзолаш режалаштирилмоқда.