Ўзбекистон Республикаси Соғлиқни сақлаш вазирлиги оилавий семириб кетишга қарши акция ўтказди

Тошкент. 14 май. ЎзТАГ - Ўзбекистон Соғлиқни сақлаш вазирлиги оилавий семиришга қарши акция ўтказди, дея хабар беради Ўзбек телеграф агентлиги (ЎзТАГ).

"Шанба 11 май куни Соғлиқни сақлаш вазирлиги томонидан ўтказилган соғлом турмуш тарзини тарғиб қилувчи яна бир оммавий тадбир бу муаммони ҳал қилишга қаратилган эди. "Оилавий семизликка йўл йўқ" шиори остида 5 километрлик фаол юриш ва "Саломатлик стартлари” ташкил этилди” , - дея хабар беради агентлик жамоатчилик билан алоқалар бўлими хабарида.

Қайд этилдики, эрта тонгдан мамлакатимизнинг барча ҳудудларида, хусусан, маданият ва истироҳат боғларида, вазирлик марказий аппарати вакиллари, оилавий жамоалар (ота-оналар ва 8 ёшдан 12 ёшгача бўлган болалар) иштирокида даволаш муассасалари, тиббиёт олий таълим муассасалари ва маҳалла активларидан жисмоний фаолликни тарғиб қилувчи эстафеталар ва билимдонлар танловлар ўтказилди.

"Семизликка қарши курашда соғлом овқатланиш муҳим рол ўйнайди. Турли хил сабзавот ва меваларни истеъмол қилишга одатланиш ҳам оилаларда соғлом ва тўғри овқатланиш рационини шакллантиришга хизмат қилади. Шу билан бирга, оддий, аммо жуда муҳим қоидаларга риоя қилиш оила аъзоларимиз саломатлигини мустаҳкамлашга хизмат қилади. Мисол учун, агар сиз эрталаб наҳорга 200 грамм қайнатилган илиқ сув ичиш одатига эга бўлсангиз, саломатлигимиз учун кони фойда бўлади. Чунки сув тезда ошқозон ва ичакка тушганлиги сабабли, организмдан зарарли моддаларни олиб ташлашга, шунингдек, ичакларни тозалаб, овқатдан келадиган фойдали моддаларни яхши ўзлаштиришга ёрдам беради. Мутахассисларнинг фикрига кўра, тонгда ичилган сув метоболизмни 25 фоизга тезлаштиради. Бу эса ортиқча вазнга эга одам учун калорияни фаол сарфлаш натижасида озишга ёрдам беради. Бундан ташқари, кунига 5 граммгача тузни истеъмол қилишни чеклаш семизлик туфайли юзага келадиган турли хил бўғим касалликларнинг олдини олади", - дейилади хабарда.

Эслатиб ўтамиз, жаҳон соғлиқни сақлаш ташкилоти маълумотларига кўра, дунёда 18 ва ундан юқори ёшдаги 1,9 миллиард киши ортиқча вазнга эга. Улардан 600 миллиондан ортиғи семизлик туфайли азият чекадилар.

Сурат манбаи: uznews.uz