Ўзбекистон Ростов-Донда бош консулни тайинлади

Тошкент. 27 июнь. ЎзТАГ - Ўзбекистон Ростова-Донда (Россия) бош консулни тайинлади, дея хабар беради Ўзбек телеграф агентлиги (ЎзТАГ).

"Ўзбекистон Бош консули Ростов-Дон шаҳрига илгари ТИВ консуллик-ҳуқуқий департаменти директори ўринбосари лавозимида ишлаган Рустам Қўрғонбаев тайинланди", - дейилади ТИВ матбуот хизмати хабарида.

Таъкидланганидек, Ростов-Дон шаҳридаги бош консулхона консуллик округига Россиянинг Шимолий Кавказ федерал округи (Доғистон Республикаси, Ингушия Республикаси, Кабарда-Балкария Республикаси, Қорачой Черкасия Республикаси, Ставропол ўлкаси, Чеченистон Республикаси, Шимолий Осетия Республикаси) ва Жанубий федерал округи (Адигея Республикаси, Астрахан вилояти, Қалмоқ Республикаси, Краснодар ўлкаси, Волгоград вилояти, Ростов вилояти) киради.

Сурат манбаи: kapital.kz