Ўзбекистон термаси Россияда бўлиб ўтадиган ЖЧ учинчи малака раундидаги рақибларини билиб олди

Тошкент. 13 апрел. ЎзТАГ – Куала-Лумпурда футбол бўйича 2018 йилда Россияда бўлиб ўтадиган жаҳон чемпионати саралашининг учинчи босқичига қуръа ташлаш маросими бўлди, деб хабар беради Ўзбек телеграф агентлиги (ЎзТАГ).

“Футбол бўйича Ўзбекистон термаси “А” гуруҳига тушди, бу ерда у Сурия, Қатар, Хитой, Жанубий Корея ва Эрон термалари билан ўйнайди”, - деб таъкидлашди Футбол федерациясида.

Ўзбекистон термаси  ўзининг босқичдаги биринчи ўйинини 1 сентябрда Тошкентда Сурияга қарши ўтказади.

Гуруҳда биринчи ва иккинчи ўринни олган термалар чемпионатга тўғридан тўғри ўтади. Учинчи ўринни олган жамоалар ўз майдони ва сафарда ўзаро биттадан ўйин ўтказади. Ғолиб эса КОНКАКАФ (Соnfederation of North, Central American and Caribbean Association Football – Шимолий ва Марказий Америка, Кариб ҳавзаси футбол конфедерацияси) минтақаси саралаши ғолиби билан ўйнайди.