Ўзбекистонда биринчи агроиндустриал кооперативи Наманган вилоятида ташкил этилади
Тошкент. 26 июнь. ЎзТАГ - Ўзбекистонда қишлоқ хўжалиги маҳсулотларини сотиш бўйича аукцион савдо майдончаси билан биринчи агроиндустриал кооперативи Наманган вилоятида ташкил этилади, деб хабар беради Ўзбек телеграф агентлиги (ЎзТАГ).
Келишувга кўра, 23-25 июнь кунлари Европа Иттифоқи томонидан молиялаштириладиган ва Германия халқаро ҳамкорлик жамияти (GIZ) томонидан амалга оширилаётган "Ўзбекистонда қишлоқ жойларини барқарор ривожлантириш" лойиҳаси доирасида Наманган вилояти ишбилармонларининг Бельгияга ташрифи чоғида эришилган.
"Сафарнинг мақсади ишлаб чиқариш кооперативлари иштирокида мева-сабзавот секторини ривожлантиришда Бельгиянинг илғор тажрибасини ўрганиш ва электрон аукцион асосида савдо майдончалари орқали қишлоқ хўжалиги маҳсулотларини илгари суриш орқали амалга оширилади", – дейилади ТИВ матбуот хизмати хабарида.
Ташриф доирасида делегация BelOrta агроиндустриал мажмуасига ва қишлоқ хўжалиги маҳсулотларини сотиш аукцион залига ташриф буюрди. Шунингдек, Элчи Дилер Ҳакимов, ЕС-GIZ, BelOrta, Aucxis и Valley Fruits лойиҳалари раҳбарияти иштирокида Ўзбекистон бозорида бундай юқори технологик ечимларни ишлаб чиқиш ва қўллаш истиқболлари бўйича йиғилиш ўтказилди.
"Йиғилишда Наманган вилоятида қишлоқ хўжалиги маҳсулотларини сотиш бўйича аукцион савдолари майдони билан республикада биринчи агроиндустриал кооперативни ташкил этиш бўйича аниқ чора-тадбирлар белгиланди", - деб якунланади хабар.
Сурат манбаи: dom1god.ru
