Ўзбекистонда бизнесни текшириш 30 кундан кўп давом этиши мумкин эмас

Тошкент. 24 июл. ЎзТАГ – Ўзбекистонда бизнесни текшириш ишлари 30 кундан кўп давом этиши мумкин эмас, деб хабар беради Ўзбек телеграф агентлиги (ЎзТАГ).

“Қонунга мувофиқ Жиноят-процессуал кодексига киритилган ўзгартиришга кўра юридик шахслар ва якка тартибдаги тадбиркорларни тафтиш қилиш қилиш муддати 30 кундан ошмаслиги белгилаб қўйилди. Илгари тафтиш муддати белгиланмаганлиги туфайли мазкур жараён ойлаб давом этиши мумкин эди”, - дейилади Ўзбекистон Адлия вазирлигининг расмий Тelegram-каналидаги хабарда.

Шундан кейин қайд этилишича, зарур бўлганда бу муддат Бош прокурорининг ёки унинг ўринбосарининг розилигига кўра ёхуд суднинг ажрими билан яна 30 кунга узайтирилиши мумкин.

Шунингдек, эндиликда тадбиркорлик фаолияти билан боғлиқ фактлар бўйича тадбиркорларга нисбатан жиноят ишини қўзғатишга фақат Қорақалпоғистон Республикаси прокурорининг, вилоятлар ва Тошкент шаҳар ёхуд Ўзбекистон Республикаси Бош прокурори ёки унинг ўринбосарининг розилиги билан йўл қўйилиши белгиланди.

Эслатиб ўтамизки, олдинроқ Ўзбекистон президенти Жиноят, Жиноят-процессуал ва Маъмурий жавобгарлик тўғрисидаги кодексларига ўзгартиш ва қўшимчалар киритиш ҳақидаги қонунни имзолаган эди.

Сурат манбаи: https://focus.ua/country/384727/