Ўзбекистонда бизнесни текшириш тартиблари ўзгартирилди
Тошкент. 18 май. ЎзТАГ – Президент Ислом Каримовнинг қарорига мувофиқ, 2015 йил 1 июлдан бошлаб Ўзбекистонда бизнесни текширишнинг янги тартиби жорий этилмоқда, деб хабар беради Ўзбек телеграф агентлиги (ЎзТАГ).
“Микрофирмалар, кичик корхона ва фермерлик хўжаликлар фаолиятини текширишнинг янги тартибига мувофиқ, уларни текшириш ишлари тўрт йилда бир мартадан кўп бўлмаган марта, бошқа хўжалик субъектларини текшириш эса Ўзбекистон Назорат қилувчи органлари фаолиятини назорат қилиш кенгаши қарорига мувофиқ – уч йилда бир мартадан кўп бўлмаган марта амалга оширилади. Молия хўжалик фаолиятини текшириш билан боғлиқ бўлмаган текширувлар муддати 10 тақвим кунидан ошмаслиги керак”, – дейилади хужжатда.
Шунингдек, янги тартибга кўра, тадбиркорлик субъектлари молия хўжалик фаолиятини текшириш фақат режали текширувдан кейинги муддатни қамраб олиши зарур.
Ҳуқуқни муҳофаза қилиш органлари томонидан хўжалик субъектлари фаолиятларини жиноий иш очилиши муносабати билан текширувлар албатта адвокатлар иштирокида амалга ошириши зарур.
Бундан ташқари, эндиликда солиқлар ва бошқа мажбурий тўловлар тўлашдан биринчи марта бош тортган шахс жиноят очилганидан кейин 30 кун ичида давлатга етказган зарарини тўлиқ қоплаган, пенялар ва бошқа молия санкцияларини тўлаган ҳолда жавобгарликдан жиноий иш очилмасдан озод қилинади.
