Ўзбекистонда мобиль маркетинг бўйича биринчи конференция бўлиб ўтади

Тошкент. 27 сентябр. ЎзТАГ – 2-3 ноябрда Ўзбекистонда мобиль маркетинг бўйича илк MobiCon-2016 конференцияси бўлиб ўтади, деб хабар беради Ўзбек телеграф агентлиги (ЎзТАГ).

Конференция International Hotel Tashkent меҳмонхонасида ўтказилиши кутилмоқда.

“Конференция иштирокчилари соҳадаги ечимлар ва муваффақиятли кейслар билан танишиш, шунингдек, mobile-маркетинг соҳаси мутахассисларига қизиқтирган саволларни беришлари мумкин бўлади. Конференциянинг асосий мавзулари смартфон ва ихчам қурилмалар, виртуал реаллик, мобиль технологиялар ва телеком, мобиль маркетинг ва реклама, реклама мониторинги ва бозор ўлчовлари, маҳаллий мобиль хизматлар, мессенжерлар, мобиль контент, ОАВ ва мобиль тижорат кабилар бўлади”, - деб таъкидланади тадбир ташкилотчиси бўлган Ledokol Group ширкати хабарида.

Тадбирда Россия, Қозоғистон, Ўзбекистон ва бошқа мамлакатлар соҳа экспертларининг маърузалари ҳам тингланади.