Ўзбекистонда ҳомиладорлик бўйича пособия тўлаш тартиблари ўзгартирилди
Тошкент. 4 январ. ЎзТАГ – Ўзбекистон Президенти Шавкат Мирзиёевнинг қарорига мувофиқ, мамлакатда ҳомиладорлик бўйича пособия тўлашнинг янги тартиблари жорий этилди, деб хабар беради Ўзбек телеграф агентлиги (ЎзТАГ) давлат раҳбарининг қарорига асосланган ҳолда.
“2017 йилда биринчи марта ёки такроран ишга кираётганлар ёхуд 12 ойдан кўпроқ танаффусдан кейин ўз меҳнат фаолиятини бошлаётганлар учун ишга қабул қилинган кунларидан бошлаб ишлаб берган вақтларига боғлиқ ҳолда ҳомиладорлик ва туғруқ бўйича нафақаларни белгилашнинг дифференцияланган миқдори амалга киради”, - деб таъкидланади хужжат матнида.
Хусусан, ишга қабул қилингандан бошлаб 6 ойгача ишлаганлар ҳомиладорлик ва туғруқ бўйича таътилда бўлган вақт давомида ўртача ойлик иш ҳақининг 50 фоизини, 6 ойдан 12 ойгача ишлаганлар ҳомиладорлик ва туғруқ бўйича таътилда бўлган вақт давомида ўртача ойлик иш ҳақининг 75 фоизини, ишга қабул қилингандан бошлаб 12 ойдан кўпроқ ишлаганлар ҳомиладорлик ва туғруқ бўйича таътилда бўлган вақт давомида ўртача ойлик иш ҳақининг 100 фоизини оладилар.
Яъни ҳомиладорлик ва туғруқ бўйича пособияни ишга киргандан ёки қайта ишга чиққандан бошлаб 12 ойгача узлуксиз ишлаган ҳолда олиш мумкин бўлади.
