Ўзбекистонда янги хусусий университет очилди
Тошкент. 20 август. ЎзТАГ – Ўзбекистонда янги хусусий университет очилди, дея хабар беради Ўзбекистон телеграф агентлиги (ЎзТАГ).
"Ҳукумат қарори билан (№683, 17.08.2019 й.) Қўқон университети ташкил этилди. Университет олий таълимнинг нодавлат ташкилоти бўлиб, таълим ўзбек, рус ва инглиз тилларида тўлов-контракт асосида амалга оширилади", - дейилади Адлия вазирлиги матбуот хизмати хабарида.
Қайд этилганидек, бакалавриат ва магистратурага қабул қилиш параметрлари, шунингдек, қабул қилиш тартиби ва қоидалари университет томонидан белгиланади.
Университетда ўқиш 2019/2020 ўқув йилидан бошланади.
"Битирувчиларга Ўзбекистонда олий таълим тўғрисидаги ҳужжат сифатида эътироф этиладиган белгиланган намунадаги диплом берилади", - деб якунланади хабар.
Сурат манбаи: mitchj.info