Ўзбекистондан Қозоғистонга 2,5 тонна хурмо олиб киришда карантинга тушган маҳсулот аниқланди
Тошкент. 17 октябр. ЎзТАГ – Ўзбекистондан Қозоғистонга 2,5 тонна хурмо олиб киришда карантинга тушган маҳсулот аниқланди, деб хабар беради Ўзбек телеграф агентлиги (ЎзТАГ).
“2018 йилнинг 10-12 октябри орасида қишлоқ хўжалиги вазирлиги ўсимликлар карантини ҳудудий инспекциялари давлат инспекторлари томонидан Қозоғистон ҳудудига Россия Федерацияси, Қирғиз Республикаси ва Ўзбекистон Республикасидан 165,5 тонна юқори фитосанитар ҳавфга эга карантинга тушган маҳсулотларни олиб киришга уриниш билан боғлиқ 29 ҳолатнинг олди олинди”, - дейилади ҚР ҚХВ матбуот хизмати хабарида.
Хусусан, “назорат доирасида Россия Федерациясин 141 тонна буғдой ва Қирғиз Республикасидан 2 тонна олма 20 тонна узум фитосанитар сертификатисиз олиб кирилгани аниқланди”.
“Бундан ташқари, Ўзбекистондан 2,5 тонна хурмо олиб киришда карантин объекти (Комсток зулуги - Pseudococcus comstocki (Kuwana) борлиги аниқланди”, - дейилади хабарда.
Маълум қилинишича, қонунбузарлар юқорида саналган қоидабузилишлар бўйича ҚРнинг “Маъмурий ҳуқубузарликлар тўғрсида”ги Кодексига мувофиқ маъмурий жавобгарликка тортилган.
“Карантинга тушган маҳсулот эса экспорт қилинган мамлакат ҳудудига қайтарилган”, - деб хулоса қилинади хабарга.
Сурат манбаи: ru.sputniknews-uz.com
