Ўзбекистоннинг НТМК “Омонтойтов” рудниги фойдаланишга топширилди
Дата: 16:55, 04-01-2017.
Тошкент. 4 январ. ЎзТАГ – Ўзбекистоннинг Навоий тоғ-металлургия комбинати (НТМК) Марказий руда бошқармасида “Омонтойтов” рудниги фойдаланишга топширилди, деб хабар беради Ўзбек телеграф агентлиги (ЎзТАГ) НТМК сайтига асосланган ҳолда.
Комбинат маълумотига кўра, рудникнинг йиллик қуввати 1 миллион тонна рудани қайта ишлашга имкон беради. Руда Тоғ металлургия заводига яримфабрикат сифатида етказиб берилади.
НТМК бош директори Қ.Санақулов “ушбу конни янада ўзлаштириш давлатимиз иқтисодий барқарорлигини таъминлашдаги ҳиссаси янада ошишига муносиб улуш қўшиши”ни таъкидлаб ўтди.
Ҳозирги кунда янги конда 350 та янги иш ўринлари очилди. 2017 йилда корхонада қўшимча техника ва технологик ускуналар ўрнатилиши режалаштирилган.
