Ўзмиллийбанк “Дойче банк” билан 500 млн евролик келишув имзолади

Дата: 17:57, 23-07-2018.

Тошкент. 23 июл. ЎзТАГ – Ташқи иқтисодий фаолият миллий банки (Ўзмиллийбанк) Германиянинг Франкфурт-Майн шаҳрида Deutsche Bank AG билан инвестиция лойиҳаларини молиялаштириш бўйича 500 млн евро миқдорида битим имзолади, деб хабар беради Ўзбек телеграф агентлиги (ЎзТАГ).

Молия муассасаси матбуот хизматининг маълумотига кўра, битим иқтисодиётнинг энергетика, транспорт, қишлоқ хўжалиги, тиббиёт, нефт-кимёси, инфратузилма, металлургия, авиация ва бошқа турли соҳаларида инвестиция лойиҳаларини молиялаштириш учун кредит линияларини ажратишни назарда тутади.

Лойиҳа доирасида турли давлатлардан, жумладан, АҚШ, Хитой, Корея, Япония, Германия, Франция, Италия ва Испаниядан ускуналар ҳамда технологиялар импорти учун узоқ муддатли молиялаштириш тақдим этилади.

Эслатиб ўтамизки, бундан олдин Ўзмиллийбанк Германиянинг бошқа етакчи банклари билан, хусусан, Commerzbank AG ва АКА Bank билан ГФР ва Европа иттифоқи давлатларидан ускуна ҳамда технологиялар импорт қилишни ўз ичига олувчи кичик бизнес ва хусусий тадбиркорлик субъектлари учун кредит линияларини ажратиш, шунингдек, инвестицион лойиҳаларни молиялаштириш бўйича битимлар имзолаган эди.

1 евро = 9127,60 сўм

Сурат манбаи: http://egyptiandays.com/10589

Янгилик билан ўртоқлашиш: